Familja e Anis Amri, tunizianit që dyshohet e hyri me kamion në tregun e Krishlindjeve në Berlin, i kanë bërë thirrje atij të dorëzohet.

Vëllai i tij, Abdelkader Amri, tha se ai është i sigurtë që vëllau i tij është i pafajshëm, ndërsa ka shtuar se ‘nëse ai del fajtor, neve do të na mbulojë turpi’, transmeton arbresh.info.

Zyrtarët gjermanë kanë konfirmuar shenjat e gishtave të gjetur në kamion i përkasin Amrit.

Tregu ku mbetën të vdekur 12 persona dhe u plagosën 49 të tjerë është rihapur, por nuk janë ndezur dritat dhe nuk është lëshuar muzikë.

“Nëse vëllau im është duke më dëgjuar, unë i bëj thirrje atij të dorëzohet,” tha Abdelkader Amri para gazetarëve nga shtëpia e tij në Tunizi. “Por, unë jam i sigurtë që ai është i pafajshëm. Ai është larguar nga shtëpia për arsye ekonomike, për të punuar dhe për të ndihmuar familjen.”

Abdelkader dhe vëllau tjetër i Anis kanë pranuar se ai i kishte hyrë rrugës së gabuar në Evropë  dhe kur doli nga burgu në Itali ‘ishte komplet ndryshe’.

24-vjeçari, i cili arriti në Gjermani në vitin 2015, ka qenë nën vëzhgim nga autoritetet gjermane për planifikimin e një grabitje në mënyrë që të paguante armë automatike për t’i përdorur në një sulm./Arbresh.info