Sulmi mbi Ambasadën Amerikane, Trump: Nëse një amerikan vritet, unë do ta konsideroj Iranin përgjegjës

07:31 | 24 Dhjetor 2020
M. A.

Të dielën Ambasada Amerikanë në Bagdat u sulmua nga disa raketa. Për këtë sulm ka reaguar edhe presidenti i SHBA-së, Donald Trump i cili bën përgjegjës Iranin për sulmin.

Në një postim në profilin e tij në Facebook, Trump thotë se Irani duhet t’i mendojë mirë përgjegjësitë para se të kryejë veprime të tilla. “Nëse një amerikan vritet, unë do ta konsideroj Iranin përgjegjës. Mendojeni mirë”- shkruan Trump.

Postimi i plotë i Trump:

Ambasada jonë në Bagdad u godit të Dielën nga disa raketa. Tre raketa nuk arritën të lëshohen. Merrni me mend se nga ishin: IRANI. Tani dëgjojmë biseda sulmesh shtesë kundër amerikanëve në Irak … Disa këshilla miqësore shëndetësore për Iranin: Nëse një amerikan vritet, unë do ta konsideroj Iranin përgjegjës. Mendojeni mirë.