Situatë kaotike në Britani: Mbi 129 mijë raste me COVID-19 për 24 orë

FILE PHOTO: People wearing protective face masks walk along a platform on the London Underground, amid the coronavirus disease (COVID-19) outbreak, in London, Britain, July 25, 2021. REUTERS/Henry Nicholls

22:10 | 28 Dhjetor 2021
A Z

Në 24 orët e fundit, në Britaninë e Madhe u regjistruan 129.471 raste të reja me koronavirus, një ditë pasi kryeministri Boris Johnson tha se nuk do të prezantonte masa të reja epidemiologjike për të kufizuar përhapjen e virusit.

Sipas Reuters, kjo shifër nuk përfshin të dhëna për Skocinë dhe Irlandën e Veriut për shkak të dallimeve në mënyrën e raportimit gjatë Krishtlindjes.

Britania raportoi nivelin e mëparshëm rekord të infeksioneve ditore më 24 dhjetor – 122.186.

Kryeministri Johnson tha të hënën se nuk do të prezantojë masa të reja kufizuese kundër koronavirusit në Angli.

Skocia, Uellsi dhe Irlanda e Veriut kanë shtrënguar masat antiCOVID, si dhe vendet e tjera evropiane që po përballen me një rritje të numrit të rasteve të variantit omicron.