Numri i të vdekurve nga koronavirusi i ri (COVID-19) në Francë ka shkuar në 22.245, raporton Anadolu Agency (AA).

Në 24 orët e fundit, në Francë janë regjistruar 2.887 raste të reja, me çka numri i përgjithshëm i të infektuarve është rritur në 187.708, njoftoi drejtori i përgjithshëm i Ministrisë së Shëndetësisë, Jerome Salomon, në një konferencë për media.

Salomon tha se 28.658 pacientë po trajtohen në spitale, përfshirë 4.870 në njësitë e kujdesit intensiv, duke shtuar se sot për të 16-tën ditë ka vazhduar të bie numri i të pacientëve në kujdes intensiv.

Ai njoftoi se në 24 orët e kaluara, 1.464 persona janë shëruar, me çka numri i përgjithshëm i pacientëve që e kanë mposhtur sëmundjen ka shkuar në 43.493.

Salomon njoftoi se në 24 orët e fundit jetën kanë humbur 389 persona në spitale dhe shtëpitë e kujdesit për të moshuar, me çka numri i viktimave ka shkuar në 22.245, ndërsa prej tyre, 8.393 janë persona që kanë ndërruar jetë në shtëpitë e kujdesit.

Franca sot shënoi ulje në bilancin ditor të viktimave krahasuar me pesë ditët e kaluara.

Salomon tha se çdo ditë në Francë po kryhen nga 40 mijë teste.

Franca është vendi i katërt në botë me më së shumti viktima nga virusi.