Qeveria holande ka vendosur që votat në zgjedhjet e mujit të ardhshëm të numërohen me dorë, për shkak të frikës nga sulmet kibernetike.

“Kemi të dhëna se Rusia mund të jetë e interesuar të ndikojë në zgjedhjet që priten të mbahen në Holandë, prandaj kemi marrë vendim që të gjitha votat të numërohen më dorë”, ka thënë Ministri i Brendshëm i Holandës, Ronald Plasterk transmeton portali arbresh.info.

Vendet e BE-së presin me frikë zgjedhjet e ardhshme në Holandë dhe në Francë për shkak të frikës së fitores nga partitë anti-BE dhe anti-emigracion.

Besohet që partia e Gert Viders të fitojë më shumë se 30 vende në Parlament.

Agjencitë e Inteligjencës kanë paralajmëruar se zgjedhjet e këtij viti në Francë, Hollandë dhe në Gjermani mund të sulmohet nga sulmet kibernetike dhe dyshuesi kryesorë për këtë sulm mbetet Rusia./Arbresh.info