Presidentja meksikane Claudia Scheinbaum bëri thirrje sot për një “gjykim të drejtë” të udhëheqësit të rrëzuar të Venezuelës, Nicolas Maduro, duke kritikuar ndërhyrjen dhe përdorimin e forcës nga SHBA-të në Venezuelë.

“Tani që Presidenti Maduro është në paraburgim, ajo që kërkohet është një gjykim i drejtë, gjithmonë. Në çdo situatë, dhe veçanërisht në këtë, duhet të ketë efikasitet dhe drejtësi”, tha Sheinbaum, raporton TV Peru.

Presidenti meksikan iu drejtua gjithashtu kundërshtarëve të qeverisë në Venezuelë, duke përsëritur kundërshtimin e Meksikës ndaj ndërhyrjes amerikane dhe shkeljes së sovranitetit të Venezuelës.

“Për ata që nuk pajtohen me regjimin e Maduros ose Çavizmin në Venezuelë, kjo është një çështje tjetër. Është krejt tjetër që ndonjë fuqi ose vend të përdorë forcën për të rrëzuar presidentin . Ne kurrë nuk mund të pajtohemi me këtë”, theksoi Scheinbaum.

Të shtunën, më 3 dhjetor, në orët e para të mëngjesit sipas kohës lokale, ushtria amerikane kreu një sulm ndaj Karakasit dhe arrestoi presidentin e Venezuelës, Nicolás Maduro, dhe gruan e tij, Cilia Flores.

Maduro dhe Flores u transferuan në Shtetet e Bashkuara dhe u paraqitën në gjykatë në Nju Jork të hënën, ku u deklaruan të pafajshëm për akuzat për narkoterrorizëm dhe komplot për të kontrabanduar kokainë në Shtetet e Bashkuara.