Elon Musk ka krahasuar kryeministrin kanadez, Justin Truedau, me Adolf Hitlerin.

Ai këtë e ka bërë përmes një postimi në Twitter, të cilin pas disa orësh e ka fshirë, tranmseton portal arbresh.info

Musk përmes postimit ka mbështetur kamionistët që po protestojnë kundër mandateve të vaksinimit.

Musk, shefi ekzekutiv i Tesla Inc (TSLA.O), në fund të janarit postoi në Tëitter mbështetje për kamionistët kanadezë, të cilët kanë mbyllur rrugët dhe urat, duke tërhequr vëmendjen ndërkombëtare ndaj kundërshtimit të tyre ndaj politikave shëndetësore të shtyra nga qeveria e Trudeau.

Duke iu përgjigjur një postimi në Twitter që përshkruante se si qeveria e Trudeau kishte urdhëruar bankat të ndihmonin në shkurtimin e fondeve për protestuesit, Musk postoi një meme të një fotoje të Hitlerit, me “Mos më krahasoni me Justin Trudeau” të shkruar mbi foto.

Megjithatë, postimi është fshirë, ndërsa Musk nuk ka dhënë asnjë sqarim në lidhje me këtë.

Musk ka 74 milionë ndjekës në Twitter dhe njihet për humorin e tij të ashpër dhe vlerësimet e prera, megjithatë, krahasimi i Trudeau me Hitlerin, i cili ishte përgjegjës për gjenocidin e miliona hebrenjëve dhe fillimin e Luftës së Dytë Botërore, është parë si një veprim i pamenduar nga shumë përdorues të medias sociale./Reuters/arbresh.info/