Me drogë në çantë drejt Greqisë

14:32 | 6 Gusht 2017

Bllokohet lëndë narkotike në pikën kufitare të Kakavijës, në tentativë për t’u trafikuar drejt shtetit grek.

Mbrëmjen e djeshme, e shtunë, në Pikën e Kalimit Kufitar Kakavijë, Gjirokastër, u paraqit Mark Biba si pasagjer në një autobus duke udhëtuar për në shtetin grek.

Nga kontrolli i ushtruar nga punonjësit e policisë kufitare, në çantën e dorës si dhe në një çantë që kishte në bagazhin e autobusit i’u gjet 1.5 kg lëndë e dyshuar narkotike kanabis sativa.

Nga ana e policisë u bë arrestimi në flagrancë i 34-vjeçarit Mark Biba, banues në Shënkoll, Lezhë, ndërkohë lënda narkotike u sekuestrua në cilësinë e provës materiale.

Ndaj të dyshuarit hetimet janë në vijim për veprën penale “Trafikim i lëndëve narkotike”.

Shpërndaje në rrjete sociale

Lajmet më të lexuara