Kryeministri i Katarit: Situata në Gaza është njollë në ndërgjegjen e gjithë botës

07:34 | 29 Prill 2025
E.K

Kryeministri i Katarit dhe Ministri i Punëve të Jashtme, Sheikh Mohammed bin Abdulrahman bin Jassim Al Thani u shpreh se situata në Gaza është “një njollë në ndërgjegjen e të gjithë botës”.

Duke folur në Forumin e Sigurisë Globale në Doha, Mohammed tha se “vdekja e fëmijëve nga uria dhe të ftohtit shfrytëzohet si mjet për të arritur objektiva të ngushta politike”.

Ndërkohë, “një popullsi e tërë është e rrethuar dhe i mohohen të drejtat më elementare për të marrë ndihmë, pa asnjë përgjegjësi”,-vijoi ai.

Ai shtoi se Katari do të vazhdojë, në koordinim me Egjiptin, SHBA-në dhe partnerët e tjerë rajonalë, të përpiqet të arrijë një armëpushim në Gaza dhe të sigurojë që ndihma humanitare të arrijë tek palestinezët./euronews.al