Japonia u bëri thirrje vendeve që posedojnë armë bërthamore që të “rrisin transparencën e tyre” në këtë fushë dhe njoftoi se synon bashkëpunimin për “një botë të pastruar nga armët bërthamore”, transmeton Anadolu Agency (AA).

Kryeministri i Japonisë, Fumio Kishida, mbajti një fjalim në takimin me temë “çarmatimi bërthamor” që u organizua nëpërmjet internetit nga Ministria e Jashtme e Japonisë e cila bashkon zyrtarët e qeverisë dhe ekspertët.

“Fatkeqësisht e vërteta me të cilën përballet bota është jo vetëm që nuk hiqen nga zbatueshmëria, por që nuk shënohet as përparim në negociatat për pakësimin e numrit të armëve bërthamore”, tha Kishida i cili ka lindur në një familje me origjinë nga Hiroshima e shkatërruar nga bomba atomike që SHBA-ja hodhi në vitin 1945.

Ai tërhoqi vëmendjen se ekziston “frika për rritjen” e numrit të armëve bërthamore dhe vuri në dukje Konferencën e Vlerësimit të Traktatit për Mospërhapjen e Armëve Bërthamore (NPT) e cila është planifikuar të mbahet në janar 2022 në New York.

“Kjo konferencë mund të jetë një mundësi për rindërtimin e marrëdhënies së besimit mes shteteve bërthamore dhe atyre jobërthamore si dhe për forcimin e bazës së NPT-së”, tha kryeministri japonez duke shtuar se “Si rezultat duhet të gjendet në rrugëdalje për një botë të pastruar nga armët bërthamore”.

Duke u bërë thirrje vendeve që posedojnë armë bërthamore që të “rrisin transparencën e tyre” në këtë fushë, Kishida tha se synon bashkëpunimin për “një botë të pastruar nga armët bërthamore”.

Ai thekson se vendi i tij do të tentojë të mbledhë “vendet me ide të ndryshme” në këtë fushë.