Izraeli godet me raketa një ndërtesë në Bejrut, të paktën 4 të vdekur dhe 23 të plagosur

07:45 | 23 Nëntor 2024
K.B

Të paktën 4 persona kanë humbur jetën dhe 23 janë plagosur nga bombardimet izraelite në qendër të Bejrutit, raporton Reuters, duke cituar ministrisë e Shëndetësisë libaneze.

Avionët luftarakë izraelitë filluan sulmet në orët e para të mëngjesit të së shtunës në një lagje qendrore të kryeqytetit libanez, duke rrafshuar me pesë raketa një ndërtesë apartamentesh tetëkatëshe.

Videot nga zona e prekur tregojnë një ndërtesë të rrafshuar dhe turma njerëzish që nxitojnë nëpër rrënoja, duke kërkuar për të bllokuarit.

Izraeli filloi një ofensivë të madhe kundër Hezbollahut në Liban në shtator, pas gati një viti të armiqësive ndërkufitare të ndezura nga lufta e Gazës, duke goditur zona të gjera të Libanit me sulme ajrore dhe duke dërguar trupa në jug./abcnews.al