Izraeli duhet të kërkojë falje në emër të kryeministrit Benjamin Netanyahu rreth përkrahjes së planit të Presidentit Donald Trump për ndërtimin e murit në kufi të Meksikës dhe SHBA-ve, ka thënë Ministri i Jashtëm meksikan.

Qeveria izraelite përmes një postimi në Twitter ka përkrahur idenë e Trump për ndërtimin e murit kufitar, duke arsyetuar se kryeministri i është referuar përvojës specifike të sigurisë së Izraelit, transmeton arbresh.info.

Megjithatë, Ministri i Jashtëm meksikan, Luis Videgaray, tha se arsyetimi i qeverisë izraelite është i kotë dhe se duhen sqarime ‘korrekte’ nga pozita e saj.

“Unë do të doja të pyesja kryeministrin Netanyahu se sa mure ka do të ndërtojë Presidenti Trump? Pa dyshim që ai i referohej murit në kufi me Meksikën dhe në kërkojmë nga qeveria izraelite të jep sqarim rreth postimi”, ka thënë ai.

“Mendoj, se një kërkim falje do të ishte e mjaftueshme”, ka shtuar ai, duke thënë se Izraeli ‘është alet’ me Meksikën.

“Është absolutisht e pakuptueshme që kryeministri i Izraelit të shprehet në këtë mënyrë”, shtoi ai.

Presidenti Donald Trump ka dhënë urdhërin ekzekutiv për ndërtimin e  murit kufitar mes SHBA-ve dhe Meksikës, me qëllim për parandalimin e emigrantëve. Tensionet mes dy vendeve janë rritur edhe më shumë pasi Presidenti Trump ka imponuar rritje të taksave për mallrat që hyjnë nga Meksika./Arbresh.info