Ish-Ministri i Jashtëm i Ukrainës, Pavlo Klimkin, ka kundërshtuar kategorikisht pretendimet e Donald Trump lidhur me rivalin demokrat, Joe Biden.

Trump ka pohuar, pa prova, se zoti Biden bëri presion për shkarkimin e një prokurori ukrainas për të mbrojtur një biznes që punësonte të birin, transmeton portali arbresh.info.

Klimkin i tha BBC-së se prokurori u shkarkua për korrupsion.

Një numër i organeve perëndimore, përfshirë BE-në, kishin kërkuar që prokurori Viktor Shokin të pushohet nga puna, tha ai.

Trump përballet me procedurat e fajësimit për përdorimin e pozitës së tij si president për të shtyrë Presidentin e Ukrainës, Volodymyr Zelensky, për të hetuar zotin Biden, i cili ishte në atë kohë që drejtonte sondazhet për të qenë kundërshtari i tij demokrat në zgjedhjet e vitit 2020.

Ndërkohë, u zbulua nga mediat amerikane se informatori, ankesa e të cilit çoi në hetimin e fajësimit ishte një oficer i CIA, i cili dikur punonte në Shtëpinë e Bardhë.

E 300 ish zyrtarë të sigurimit kombëtar të SHBA-së nënshkruan një letër që mbështeste hetimet. Ata i përshkruanin veprimet e zotit Trump si një “shqetësim të sigurisë kombëtare” dhe thanë se ai duket se ka kryer “një abuzim të pakontestueshëm të pushtetit”./arbresh.info/