Më shumë se 4 milionë njerëzve që u larguan nga Ukraina si rezultat i pushtimit rus u është dhënë statusi i mbrojtjes së përkohshme në vendet e BE-së deri në fund të majit 2023, sipas shifrave të Eurostat të publikuara sot.

Vendet kryesore që strehojnë më shumë refugjatë nga Ukraina janë Gjermania (1.1 milion njerëz, 28% e totalit), Polonia (991 mijë njerëz, 25%) dhe Republika Çeke (340 mijë njerëz, 8%).

Krahasuar me popullsinë e çdo shteti anëtar të BE-së, numri më i lartë i përfituesve të përgjithshëm të mbrojtjes së përkohshme për mijë persona në maj 2023 u vërejt në Republikën Çeke (32.3), Estoni (26.4), Poloni (26.3), Lituani (24.9), Bullgaria (23.1) dhe Letonia (22.5).

Deri në maj 2023, qytetarët ukrainas përbënin 98% të përfituesve të mbrojtjes së përkohshme. Gratë e rritura përbënin pothuajse gjysmën (46.6%; shumicën e moshës 35-64) të përfituesve të mbrojtjes së përkohshme në BE. Fëmijët përbënin pak më shumë se një të tretën (34.6%), ndërsa meshkujt e rritur përbënin më pak se një të pestën (18.8%) nga totali.

Grantet e mbrojtjes së përkohshme bazohen në vendimin e Këshillit të 4 marsit 2022, i cili njeh ekzistencën e një fluksi masiv të personave të zhvendosur nga Ukraina për shkak të pushtimit ushtarak të Rusisë./abcnews.al