Britania e Madhe dhe BE-ja janë duke ecur drejt ‘një lufte të ftohtë ekonomike’ që mund të ketë pasoja të tmerrshme për Perëndimin, ka thënë zëvëndës ministri i jashtëm italian, Mario Giro.

Në një intervistë për The Guardian, Giro ka theksuar se në BE janë marrë vendime kundër Britanisë së Madhe më shumë se sa është menduar, transmeton arbresh.info.

“Ne po dëgjojmë se ka shumë njerëz në Britani që janë të interesuar për të trashëguar një pozicion ekonomik”, tha ai. “Dhe kjo do të thotë luftë e ftohtë ekonomike, që është në dëm të të dy palëve.”

“Hyrja në një epokë të re të konkurrencës në çështjet e mëdha ekonomike, do të thotë gjë e keqe për Perëndimin. Ne nuk kemi nevojë për tensione të tilla”, shtoi ai.

Ai shtoi se negociatat për Brexit janë të nevojshme të zhvillohen në frymë të qetë, sepse sipas tij nëse ‘veprohet duke menduar me bark,  Britania dhe BE-ja do të kenë telashe’.

Giro gjithashtu tha se shpresonte që fjalimi i Theresa May rreth Brexit të jenë ‘vetëm fjalë’./Arbresh.info