Një fëmijë sirian që vuan nga sëmundja e kancerit nuk do të jetë në gjendje të kërkojë shpëtim në  Shtetet e Bashkuara për shkak të urdhërit të Presidentit Donald Trump për ndalimin e mysliamëneve nga shtatë vende të botës.

7- vjeçarit Mohammad që është në listën e pritjes për trajtim në SHBA, i është prerë shpresa pas vendimit të Trump, transmeton arbresh.info.

Xhihadi Al-Khaled, babai i djalit dhe një refugjat sirian, i është lutur Presidentit Trump që të ketë mëshirë për djalin e tij që të marrë kujdesin që i nevojitet.

Ai ka theksuar se u është lutur disa ambasave që të ndihmojnë djalin e tij, por asnjëra nga to nuk është përgjigjur përveç SHBA-ve. Ai tha se një kohë jetonte me shpresë për djalin e tij, por tani ka frikë se djali i tij mund të mos e marrë trajtimine  duhur.

“E gjitha bota e ka braktisur popullin sirian. Por, ajo që më intereson mua është shërimi i djalit”, ka thënë ai.

“I lutem Perëndise që Donald Trump të ketë mëshirë për këta fëmijë”, ka shtuar ai.

Trump ka nënshkruar një urdhër ekzekutiv për ndalimin e hyrjes së personave nga shtatë shtete myslimane, duke përfshirë edhe Sirinë. Sipas administratës së Trump, ky vendim ka për qëllim parandalimin e ‘ekstremistëve’.

Megjithatë, vendimi i Presidentit Trump është kritikuar ashpër nga liderët botërorë dhe është pritur me protesta të mëdha edhe nga vetë amerikanët, të cilët kanë protestuar kundër vendimit nëpër aeroporte të ndryshme të vendit./Arbresh.info