Zëvendëskryeministri i parë dhe njëherësh kryediplomati i Kosovës, Behgjet Pacolli po zhvillon një vizitë zyrtare në Azi, ku po lobon për njohje të reja, shkruan arbresh.info.

Për momentin Pacolli gjendet në Daka të Bangladeshit ku do të marrë pjesë në Ministerialin e Organizatës për Bashkëpunim Islamik.

Në mesin e shumë personaliteteteve më të cilat ai u takua, ishte dhe homologia  e tij nga Kanadaja, Kristia Freeland.

Freeland siguroi shefi i diplomacisë kosovare, duke i thënë “kinis besim në mbështetjen tonë, se ne jemi miq të Kosovës./Arbresh.info/

Shkrimi i Behgjet Pacollit në Facebook:

Në Bangladesh…

Nga vizitat në shtete të veçanta të Azisë, mbërrita në Daka, Bangladesh ku si i ftuar i homologut tim të këtij vendi po marr pjesë në Ministerialin e 45 të vendeve të Organizatës së Bashkëpunimit islamik. Kryeministrja e vendit Sheikh Hasina e çeli konferencën ku marrin pjesë dhjetra ministra të jashtëm të vendeve antare, vëzhguese,etj. U takova me shumë homologë, me synim njohjen e Kosovës, zgjerimin e miqve për antarsim në Interpol, etj. Mes tyre takova dhe ministren e jashtme të Kanadasë, ku jetojnë 1,5 milionë myslimanë. “kini besim në mbështetjen tonë se ne jemi miq të Kosovës”, më tha Kristia Freeland.