Manchester United edhe në këtë sezon nuk do ta fitojë titullin e kampionit, por mund të mburret me progresin që është duke e bërë nën trajnerin portugez, Jose Mourinho.

Skuadra e trajnerit portugez, aktualisht renditet në vendin e dytë me 72 pikë pas 32 ndeshje të zhvilluara.

United ka humbur garën për titull me skuadrën rivale të qytetit, Manchester City.

City e drejtuar nga Pep Guardiola, ka zhvilluar një super sezon dhe deri tani ka vetëm dy humbje, këtë të fundit ia shkaktoi pikërisht Manchester United, në derbin e zhvilluar në javën e kaluar.

Djajtë e Kuq shtyn festën e titullit, duke përmbysur rezultatin nga 0 – 2 në 2 – 3.

Skuadrat e Jose Mourinhos, gjithmonë janë njohur për mbrojtje të forta.

United në këtë sezon është skuadra e vetëm që nuk ka pranuar më shumë se dy gola dhe është skuadra e vetëme në top pesë ligat e evropiane.

Megjithatë, Mourinho besohet se përsëri do të shpenzojë shuma të mëdha për ta përforcuar repartin e mbrojtjes, për sezonin e ardhshëm. /arbresh.info/