Meta për Rexhep Çelikun: Vdekje e pazëvendësueshme

11:03 | 12 Janar 2018
Arbresh.info

Presidenti i Shqipërisë, Ilir Meta përmes një statusi në profilin e tij në facebook ka shprehur ngushëllime për ndarjen nga jeta e valltarit Rexhep Çeliku, shkruan arbresh.info.

Presidenti Meta ka shkruar se kjo është një humbje e madhe dhe e pazëvendësueshme.

Ky është shkrimi i tij i plotë në facebook:

“Me dhimbje të thellë mësova lajmin drithërues të ndarjes së parakohshme nga jeta të Rexhep Çelikut, emblemës së valles dhe traditës sonë kulturore, mjeshtrit të madh të skenës së Ansamblit tonë Shtetëror, të papërsëritëshmit të kërcimit tonë popullor, njeriut fisnik e atdhetar, frymëzimit të spikatur të brezave të artistëve të rinj.

I shpreh ngushëllimet më të sinqerta familjes, njerëzve të tij të dashur e kolegëve për këtë humbje të madhe e të pazëvendësueshme”, ka shkruar ai.