Konfiskohen dy armë, të dyshuarit ikin nga dritarja e “Cobra City”

21:03 | 2 Tetor 2017
Arbresh.info

Policia rajonale e Prizrenit ka njoftuar se ka sekuestruar dy armë afër lokalit “Cobra City” në rrugën e “Kukësit”.

Sipas njoftimit të policisë, të dyshuarit kanë ikur nga dritarja e lokalit duke lënë veturën jashtë.

Ja njoftimi i plotë:

Rreth orës 12:30 minuta, në rrugën e “Kukësit” Njësiti Kundër Drogave e kishte sinjalizuar një automjet të llojit ”Alfa Romeo” për t’u ndalur në afërsi të “Cobra City”. I dyshuari pasi e ndalon automjetin dhe shpejt e braktisë atë duke u futur në objektin e lartë përmendur e më pas përmes një dritareje arratiset. Ndërkaq, hetuesit e policisë në Prizren dhe krim teknikët pasi e kontrollojnë veturën e braktisur i gjejnë dy pistoleta: Pistoletë M-57 me nr. serik 111052 me katër fishekë dhe pistoletë “Crvena Zastava” 9mm me katër fishekë. Armët dhe vetura janë sekuestruar për çështje hetimore. I dyshuari është i njohur për policinë dhe pritet arrestimi i tij.