Presidenti i Kosovës, Hashim Thaçi, i cili ndodhet në Nju-Jork për seancën e radhës të Asamblesë së Përgjithshme të Kombeve të Bashkuara, i bëri thirrje Presidentit të SHBA-së Donald Trump që të vizitojë Prishtinën.

Në një deklaratë për RTV21, Thaçi tha se Donald Trump ka rikonfirmuar mbështetjen e SHBA-së për Kosovën.

Thaçi gjithashtu tha se takimi i shkurtër me Presidentin Trump ishte jashtëzakonisht miqësor, dhe i ngrohtë.

“Presidenti Trump, si të gjithë kryetarët e tjerë të Shteteve të Bashkuara, ka një vizion të qartë për Kosovën. Kjo është një mbështetje e veçantë për vendin tonë. Ai tha se Kosova është një vend i madh dhe se ka njerëz të mrekullueshëm”, tha Thaçi.

Presidenti Thaçi dhe Zonja e Parë u takuan dje me çiftin presidencial të SHBA-së në Nju-Jork.