Veseli shpreh ngushëllime për humbjen e ish-kancelarit Kohl

00:01 | 17 Qershor 2017
Trina Galanxhi

Kadri Veseli, kryetari i Partisë Demokratike të Kosovës ka shprehur ngushëllime për humbjen e ish-kancelarit gjerman Helmut Kohl.

“Sot u nda nga jeta Helmut Kohl, një nga figurat politike më emblematike të historisë bashkëkohore evropiane i cili ka luajtur një rol vendimtar në bashkimin e Gjermanisë dhe në rimëkëmbjen e Evropës Lindore prej pasojave të komunizmit”, ka shkruar Veseli në profilin e tij në Facebook.

“Poashtu ai ka qenë një ndër zërat më të fortë kundër shtypjes së popullit tonë prandaj ne i ngelemi përjetë mirënjohës. Me këtë rast i shpreh ngushëllimet më të sinqerta popullit mik gjerman për humbjen e këtij njeriu të madh”.

Ish-kancelari i Gjermanisë, Helmut Kolh ka ndërruar jetë këtë të premte në moshën 87 vjeçare. Kohl përshkruhet si babai i ribashkimit të Gjermanisë.

Ai e pati lënë politikën në vitin 2002.