Arban Abrashi nga Lidhja Demokratike e Kosovës ka thënë se në mandatin e ardhshëm në krye të qeverisjes së Avdullah Hotit, parashihet një plan i ri për financimin e lehonave gjatë pushimit.

Tutje në Magazina Zgjedhore, Abrashi tha se të gjitha lehonat duhet të marrin paga derisa shtoi se të papunësuarat do të marrin 50% të pagës së tyre ndërsa të punësuarat 70%, transmeton Klan Kosova.

”Të gjitha lehonat duhet të marrin paga – të papunësuarat gjysmën e rrogës minimale, ndërsa të punësuarat 70 për qind të pagës së tyre”.

”Kemi një ranje drastike të natalitetit nga koha e pasluftës. Bizneset shpesh herë hezitojnë femra gra për faktin e lehonisë”.

”Nëse janë të papunësuara ato marrin diku rreth 50% të pagës minimale. Ato të cilat janë të punësuara 50 deri më 70% të pagës. 12 muajshi mbetet gjithmonë kufizim. Nuk ka vullnet të lëvizet. Ne si qeveri e ardhshme do marrin barrën financiare. Që të ndikojmë në natalitet”.

”Shteti u jep një pagë më dinjitoze kur ai bëhet në moshën e pensionit. Për më mbrojt qytetarin është mirë me formu një fond për qytetarin. Nëse e vendosim këtë skemë kështu ngarkesa buxhetore është shumë e madhe’.

”Pas 20 vjetëve kjo mund të ndryshojë vazhdimisht. Agjensioni i të hyrave ka për ta mundësuar që ne të kemi një buxhet 3 miliardë euro që do të kënaq të gjitha të hyrat sociale. Kërkesa ka qenë e FMN-së. Ka qenë e lidhur me barazinë sociale. Duhet të ketë barazi sociale tek të gjitha skemat”.