Kreu i PDK-së, Kadri Veseli, e ka quajtur “nip i shqiponjës” liderin e AAK-së, Ramush Haradinaj, një ditë pasi u bënë bashkë në garën për zgjedhjet e parakohshme nacionale.

Këto komente ai i ka bërë tek memoriali përkujtimor në fshatin Jabllanic të Komunës së Gjakovës ku u përkujtuan 33 dëshmorët e rënë.

“Me vjen mirë që është këtu dhe e përshëndes atë që  është nip i shqiponjës, kryeministrin Ramush Haradinaj”, ka thënë Veseli.

Në këtë memorial e pranishme ishte edhe kryetarja e Komunës së Gjakovës, e cila koalicion parazgjedhor është futur me Lidhjen Demokratike të Kosovës. Ky subjekt politik në këtë garë morri me vete edhe Aleancën Kosova e Re, pjesë e së cilës ishte më parë Kusari-Lila./arbresh.info/