Policia sllovene bastisi sot shtëpinë e ish-kryeministres sllovene Alenka Bratushek për shkak të dyshimit se kishte abuzuar me pushtetin, pasi që qeveria e saj ishte nominuar pa sukses për Zëvendës President të Komisionit Evropian vitin e kaluar.

Bratushek, e cila ishte në krye të qeverisë sllovene nga marsi i vitit 2013 deri në maj të 2014-ës, është nën hetim nga organet sllovene hetimore anti-korrupsion sepse dyshohej se në mënyrë të paligjshme ka nominuar veten për postin e nënkryetares të KE.

Parlamenti Evropian me shumicë dërrmuese refuzoi emërimin e saj në tetor, duke theksuar se ajo nuk është e kualifikuar mjaftueshëm për të kryer këtë funksion.

Policia bastisi sot edhe objektet e tjera të lidhura me partinë e sajë politike.

Ekipi ligjor i Bratushek theksoi se ata nuk janë të sigurt se çka kërkoi policia në shtëpinë e saj. Ata shtojnë se dokumentet tashmë i janë dorëzuar komisionit anti-korrupsion.

Nuk janë bërë arrestime./arbresh.info/