Sipas kreut të Institutit Gjerman për Kërkime Ekonimike, Clemens Fuest, Italia herët ose më vonë do të largohet nga eurozona.

Sipas tij, tërheqja e Italisë mund të rezultojë edhe me largimin e vendeve tjera nga eurozona, tha ai për gazetën gjermane Der Tagespiegel, transmeton arbresh.info.

“Niveli i mirëqenies në Itali është ashtu siç ishte në vitin 2000. Nëse nuk ndryshon asgjë në këtë drejtim, italianët mund të revoltohen në një moment dhe të kërkojnë largimin e tyre nga eurozona”, tha ai.

Sipas Fuest, BE-ja është duke u shpërbërë dhe tërheqja e potecialit që ka Italia nga Bashkimi Monetar do të ketë pasoja drastike për BE-në.

“Kjo do të ishte një goditje e madhe për BE-në. Më pas shfaqet rreziku që edhe vendet tjera si Greqia, Portugalia dhe Spanja të ndjekin atë shembull. Shtetet e Lindjes gjithashtu janë distancuar nga Evropa. Kjo është e rrezikshme, sepse tani Evropa ka nevojë për stabilitet”, shtoi ai.

Në të njejtën kohë, Fuest beson që qeveria gjermane do të jetë e gatshme për të miratuar një progam që i  vjen në ndihmë Italisë, pro aksapaguesit gjermanë do të duhet të mbajnë barrën kryesore.

Ai gjithashtu theksoi se BE-ja është në prag të ndarjes, pasi hapi i parë erdhi nga Brexit. Në qershor, rreth 52% e qytetarëve në Mbretërinë e Bashkuar kanë votuar për largimin e vendit nga BE-ja./Arbresh.info