Me një rritje ekonomike të ngadalshme dhe krizën e refugjatëve jashtë kontrollit, Bashkimi Europian është gati për t’u “thyer” dhe do të ketë një përvojë të ngjashme me atë të Bashkimit Sovjeti.

Ky alarm është dhënë nga miliarderi amerikan George Soros, i cili mbështeti fuqishëm në zgjedhjet amerikane kandidaten demokrate Hillary Clinton, e cila humbi përballë Donald Trump.

2017 është një vit delikat për BE-në, sipas Soros. Ai e mbështet analizën e tij në zgjedhjet që do të zhvillohen në Francë dhe në Gjermani, por edhe në zgjedhjet e parakohshme në Itali.

Për George Soros, shpërbërja e Bashkimit Europian u përforcua me daljen e Britanisë së Madhe nga unioni, zgjedhjen e Trump në SHBA dhe refuzimin e qytetarëve italianë për të votuar ndryshimet kushtetuese. E gjitha kjo vjen si pasojë e një reagimi të gabuar të Gjermanisë ndaj krizës financiare.