Raportohet se këngëtari i ndjerë George Michael kishte probleme shëndetësore me mushkëri qëkur u godit nga sëmundja e pneumonisë në vitin 2011.

Michael, i cili vdiq në shtëpinë e vet në Oxfordshire, Ditën e Krishtlindjes, nga një sulm i dyshuar në zemër, ishte trajtuar për infeksion të mushkërive pasi që kishte humbur vetëdijen gjatë turneut live “Symphonica”.

Tani pohohet se Michael nuk e kishte marrë veten asnjëherë nga ajo sëmundje.

Një burim ka thënë për Mirror: “[Gjendja] e mushkërive të tij kurrë nuk u përmirësuan. Kjo mund të ndodhë pas një periudhe serioze të pneumonisë të ngjashme me atë të George.”

Ky burim e ka shpjeguar edhe më shumë sëmundjen e pneumonisë.

“Nganjëherë i lënë mushkëritë të dëmtuara, që con në mos funksionimin e tyre. Pjesë të mushkërive thjesht nuk punojnë më,” ka shpjeguar burimi.

“Të lë pa frymë, për shkak se mushkërinë kanë kapacitet më të vogël se para sëmundjes,” shpjegon më tej.