Gjykata më e lartë e Gjermanisë ka vendosur që vajzat ultra-konservatore myslimane duhet të marrin pjesë në klasa të përziera për mësim noti.

Ky vendim është marrë pas kundërshtimit të një nxënëse 11-vjeçare e cila kishte argumentuar duke thënë se rrobat e banjos janë shkelje kodi e fesë islame, transmeton arbresh.info.

Gjykata Kushtetuese në Karlsruhe ka kundërshtuar apelin e prindërve të vajzës të cilët kanë kërkuar që vajza të lirohet nga mësimi i notit, pasi sipas tyre kjo është shkelje e parimeve të fesë myslimane, raportojnë mediat gjermane.

Gjermania është në kthetrat e një debati të nxehtë publik mbi rolin e islamit në shoqëri, pasi ajo kërkon të integrojë gati një milionë azilkërkues kryesisht myslimanë që janë larguar nga vendet e luftës.

Kancelarja gjermane, Angela Merkel, partia e së cilës u dënua në votimet e zgjedhjeve rajonale për shkak të politikave me dyer të hapura, të martën ka propozuar për ndalimin e veshjes burka në Gjermani. /Arbresh.info