Presidenti i zgjedhur i Shteteve të Bashkuara të Amerikës, Donald Trump, ka hedhur poshtë idenë që Rusia të ketë ndërhyrë në zgjedhjet e fundit në SHBA.

“Unë nuk e besoj këtë. Nuk e besoj se ata kanë ndërhyrë në zgjedhje,” tha Trump gjatë një interviste për ‘Time’, transmeton arbresh.info.

Revista ‘Time’ e ka zgjedhur Donald Trump si personalitetin e vitit 2016.

Trump në mënyrë të palëkundur ka kundërshtuar se presidenti rus Vladimir Putin, ose agjensitë e tij, të kenë pasur ndikim në humbjen e Clintonit në zgjedhjet e fundit.

I pyetur nga ‘Time’ nëse përfundimi i arritur nga zyrtarët e SHBA-së ishte motivuar nga politika, Trump tha: ‘Ashtu mendoj.’

Agjensitë në SHBA kanë akuzuar zyrtarisht Rusinë për hakerimin e kompjuterëve gjatë zgjedhjeve, por Putin e ka kundërshtuar këtë duke thënë se ‘zbulimi i fajtorit të vërtetë është gjë e parëndësishme’.

Demokratët vazhdojnë të publikojnë të dhëna tjera mbi hakimin e kompjuterëve gjatë zgjedhjeve. /Arbresh.info