Zyra e prokurorisë ndërkombëtare të Bosnjës thotë se ka hapur një hetim për pezullimin e shefit të vet i cili dyshohet se ka penguar hetimet në akuzat për korrupsion që përfshijnë liderin serb të Bosnjës Milorad Dodik.

Këshilli gjyqësor i vendit ka pezulluar kryeprokurorin Goran Salihovic muajin e kaluar dhe tha se do të shqyrtojë akuzat e bëra ndaj tij, transmeton arbresh.info.

Zyra e Prokurorisë së Bosnjës dhe Hercegovinës tha të mërkurën se hetimi i saj do të bazohet në provat e paraqitura nga policia e shtetit.

Ministri i Sigurisë së Bosnjës ka akuzuar Salihovic-in se i kishte dhënë informacione Dodik-ut në lidhje me dy hetime që ishin në pritje, për përvetësimin e qindra mijëra eurove nga dy banka.

Salihovic ka mohuar akuzat, duke thënë se ato janë të dizajnuara për të mbajtur atë nga kryerja e një hetimi të ri për  Dodik-un  të cilin ai kishte hapur një ditë para pezullimit të tij./arbresh.info.