Lideri i Aleancës për Ardhmërinë e Kosovës Ramush Haradinaj, e ka përkujtuar Bashkimin e Gjermanisë duke e falënderuar qeverinë dhe popullin gjerman, për mbështetjen e madhe që i kanë dhënë Kosovës.

Haradinaj në profilin e tij në Facebook shkruan se dita e Bashkimit të Gjermanisë, përfaqëson edhe triumfin e demokracisë dhe thotë se ishte inspirim edhe për Kosovën.

“Në 26 vjetorin e Bashkimit të Gjermanisë, u përcjell mirënjohjen e thellë dhe falënderimin Qeverisë dhe Popullit Gjerman, Ambasadës Gjermane në Republikën e Kosovës, gjermanëve me mision në Kosovë dhe të gjithë paqeruajtësve në radhët e KFOR-it”.

“Kjo ditë shënon edhe fitoren e lirisë dhe demokracisë ndaj regjimeve totalitare dhe ishte një inspirim shpirtëror për popujt e shtypur kudo, që të luftojnë për liri, demokraci dhe prosperitet, ku edhe Kosova si shteti më i ri në Evropë, e gjen veten e saj”.