Është realizuar fluturimi i parë i linjës Paris-Prishtinë-Paris.

Në terminalin e aeroportit ndërkombëtar të Prishtinës “Adem Jashari”, ka ateruar aeroplani i parë i linjës direkte nga kryeqyteti francez.

Ambasadori i Francës në Kosovë Didier Chabert, dhe ambasadori i Kosovës në Francë Qëndrim Gashi, tashmë kanë arritur në Aeroportin Ndërkombëtar të Prishtinës, të cilët udhëtuan të parët me këtë linjë.

I pranishëm në evenimentin inaugurues ishte edhe ministri I Diasporës Valon Murati.

Ai e ka konsideruar këtë ngjarje si një moment shumë të rëndësishëm për qytetarët shqiptarë që jetojnë në Francë,  si dhe për marrëdhëniet në mes Kosovës dhe Francës në fushën e biznesit.

E ambasadori i Kosovës në Francë, Qëndrim Gashi u shpreh se shpreson që kjo linjë të ndikojë në turizmin e qytetarëve si nga Kosova ashtu edhe nga Franca.

Ambasadori i Francës në Kosovë Dider Chabret me të arritur në Kosovë me linjën e parë tha se mirëpret shqiptarët në Francë.