Ylli i Uellsit ka shënuar dy gola nga goditjet e lira brenda këtij kompeticioni dhe beson që ka një stil ndryshe nga bashkëlojtari i tij në Real Madrid, i cili vazhdon ende të ketë vështirësi.

Gareth Bale nuk ka ndërmend të marrë këshillat e Cristiano Ronaldo kur dëshiron të gjuaj nga goditjet e lira duke insistuar që ka stil ndryshe në mënyrën se si i gjuan ato.

“Jo, me të vërtetë jo. I gjuaj në mënyrën time. Më pëlqen stili im”, u përgjigj Bale kur është pyetur nëse suksesi i tij ka të bëjë me këshillat e Cristiano Ronaldos.

“Ne sigurisht i praktikojmë këto së bashku në stërvitje, por në stile të ndryshme. Kjo varet se ku jam në fushë dhe në çfarë skuadre”./arbresh.info