Ambasadorja e Vullnetit të Mirë për Kosovën në IHRC Elvana Shala  është nisur sot për në Emiratet e Bashkuara Arabe me ftesë të drejtorit gjeneral të ICC (International Civic Concept) z. William Webster, ku do të marrë pjesë në Konferencën e 8-të Ndërkombëtare të Liderëve të Rinjë, që këtë vit mbahet në Dubai, me pjesëmarrjen e rreth 50 liderëve të rinjë nga 50 shtete të ndryshme botërore. Konferenca 1 javore e cila fillon punimet zyrtarisht me dt. 19 mars,do të trajtoi temat mbi rëndësinë e zhvillimit të lidershipit rinor në politikën globale dhe mardhëniet ndërkombëtare, dhe shkëmbimin ndër- kulturor të ideve në lidhje me të ardhmen e lidershipit botëror.

Ambasadorja Shala në këtë konferencë do të jetë njëra nga folëset kryesore ku do të shpalos rëndësinë e pjesëmarrjes së të rinjëve në zhvillimin e mardhënieve ndërkombëtare ndërmjet shteteve dhe krijimin e një lidershipi të ri botëror, thuhet në komunikatën për media.

Pjesëmarrja e Ambasadores Shala në këtë konferencë është mbështetur edhe nga Komuna e Pejës dhe Telekomi I Kosovës.