Ramadani pas humbjes nga Alkmaari: Ishte ndoshta kundërshtari më i vështirë në garat evropiane

22:31 | 11 Dhjetor 2025
D.H

Drita është mposhtur 0-3 nga AZ Alkmaar në kuadër të rrethit të pestë të Ligës së Konferencës.

Pas ndeshjes trajneri Zekirija Ramadani, ka komentuar humbjen ku ka theksuar se holandezët e kanë merituar plotësisht fitoren.

“E dinim se kemi përballë skuadër mjaft e efikase. U munduam t’i ndërpresim aksionet e rrjedhshme. Ishte ndoshta kundërshtari më i vështirë në garat evropiane”.

“Jam i kënaqur me paraqitjen dhe angazhimin e lojtarëve dhe kjo na jep shpresë të vazhdojmë para. Siç ishte ky kundërshtar, ndoshta Vallecano është edhe më i fortë. Kemi edhe një javë kohë për t’u përgatitur”.

“Nuk e kemi komplet ekipin, secili ndjen dhimbje, por janë tre javët e fundit, do të bëjmë të pamundur të kthehemi të pamposhtur”, ka thënë Ramadani.

Drita ka tetë pikë pas pesë ndeshjeve, derisa ndeshjen e fundit e luan ndaj Rayo Vallecanos në udhëtim./Arbresh.info