Gjatë ditës së sotme në Cyrih të Zvicrës është tërhequr shorti për play-offin e Kupës së Botës, ku ka marrë pjesë edhe Shqipëria.

Kombëtarja e Kosovës është shortuar ndaj Sllovakisë për gjysmëfinalen e play-offit të Botërorit, shkruan Arbresh.info.

Sllovakia është një vend i cili ka luajtur vetëm një herë në Kampionat Botëror, atë të vitit 2010.

Arritja më e madhe ka qenë në fazën e 1/8 së finales.

LOJTARËT MË ME VLERË

Disa nga lojtarët kryesorë të kombëtares sllovake, që kanë vlerë të konsiderueshme në treg janë Milan Škriniar i cili paraqitet tek Fenerbahce, dhe vlera e tij në treg arrin 15 milionë euro.

David Hancko është njëri nga lojtarët tjerë të rëndësishëm të kombëtares sllovake, i cili paraqitet tek Atletico Madridi.

Përveç tyre, Stanislav Lobotka është një prej më të dalluarve si dhe shquhet si ‘truri’ i mesfushës së tyre. Lobotka është njëri nga lojtarët që vrapon më së shumti.

Ai është pjesë e Napolit, ku paraqitet edhe kapiteni i kombëtares së Kosovës, Amir Rrahmani.

Një tjetër emër i njohur është Martin Dubravka, 36-vjeç, mirëpo fal cilësisë dhe kualitet vazhdon të jetë në top pesë ligat evropiane. Ai tashmë mbron ngjyrat e Burnleyt në Premier League.

Derisa për disa vite ka qenë portier i Newcastle United.

Vlera e përgjithshme në treg e kombëtares sllovake është 138.78 milionë euro.

FORMA E TYRE NË KAMPANJËN KUALIFIKUESE:  

Sllovakia sikurse Kosova është kualifikuar nga vendi i dytë për në play-off të Kupës së Botës.

Ata kanë qenë në grup së bashku me Gjermaninë, Irlandën e Veriut dhe Luksemburgun.

Në gjashtë ndeshje, sllovakët kanë grumbulluar 12 pikë tri më pak se Gjermania lidere.

Sa i përket golavarazhit kanë pësuar tetë gola derisa kanë shënuar gjashtë sosh. Humbjen më të thellë e ka pësuar nga Gjermania 6-0, derisa fitorja më e rëndësishme po ashtu ishte ndaj ‘Pancerave’ 2-0.

Sllovakia do ta mirëpresë me 26 mars në Bratislavë Kosovën në përballjen gjysmëfinale të play-offit./Arbresh.info