Kosova U20 në basketboll është renditur përfundimisht në vendin e dytë në Grupin D të FIBA Kampionatit Evropian, Divizioni B, duke siguruar për herë të parë një vend në çerekfinale të këtij kompeticioni.

Në ndeshjen e katërt dhe të fundit të grupit, Kosova është mposhtur nga Turqia me rezultatin 88:44 (26:10, 24:0, 16:16, 22:18).

Skuadra turke e ka dominuar në pjesën e parë, duke fituar bindshëm dy periodat e para, përkatësisht 26:10 dhe 24:0.

Megjithatë, pjesa e dytë ka qenë më e balancuar, ku Dardanët kanë arritur ta barazojnë çerekun e tretë 16:16, ndërsa çerekun e fundit e kanë humbur ngushtë 22:18.

Te Kosova më efikasi ka qenë Erolt Rrahmani me dymbëdhjetë pikë dhe tetë kërcime, ndërsa Orges Shatri ka shtuar njëmbëdhjetë pikë.

Pavarësisht humbjes ndaj lideres së grupit, Turqisë, Kosova e ka mbyllur fazën e grupeve me tri fitore radhazi, ndaj Suedisë, Shqipërisë dhe Hungarisë./rtk