I rrjedh një sasi betoni në rrugë, gjobitet me 300 euro shoferi i një autobetonieri

11:44 | 11 Korrik 2025
Gita

Policia e Kosovës, Rajoni i Prishtinës, ka bërë të ditur se është gjobitur me 300 euro një shofer i një autobetonieri, pasi derisa po lëvizte në rrugë ka pasur rrjedhje të një sasie betoni, duke rrezikuar kështu vozitësit tjerë në komunikacion.

“Policia e Rajonit të Prishtinës po vazhdon angazhimet policore për ngritjen e sigurisë në trafik. Përveç planeve policia ka pranuar denoncime nga qytetarët/mediat për shkelje të ndryshme nga ngasës të automjeteve në trafik. Pjesë e punës së zyrtarëve të njësitit të trafikut ka qenë edhe identifikimi dhe gjobitja e tyre”, thuhet në njoftimin e policisë, raporton Arbresh.info.

Angazhimet për sigurinë në trafik do të kenë shtrirje në të gjitha rrugët e rajonit të Prishtinës./Arbresh.info/