Burim Zekiqi rikthehet tek Trepça pas tri sezonesh

16:28 | 7 Korrik 2025
D.H

Trepça po vazhdon konsolidimin e skuadrës për edicionin e ri ku do të marrë pjesë edhe në kualifikimet e Ligës së Kampionëve për vitin e dytë me radhë.

Kampionia e Kosovës gjatë 24 orëve të fundit ka bërë disa lëvizje në skuadër, shkruan Arbresh.info.

Pasi transferuan mbrëmë lojtarin e parë të huaj, JaCori Payne dhe sot zyrtarizuan marrëveshjen e bashkëpunimit me shtyllën e ekipt, Drilon Hajrizi, ata njoftuan edhe për transferimin e Burim Zekiqit.

Zekiqi i cili vjen nga qyteti i Mitrovicës, do të jetë vendori i radhës në radhët e Trepcës për këtë edicion.

Ai është rikthyer në tempullin e tij pas tri vitesh, ku gjatë këtyre tre sezoneve djersiti fanellën e Vëllaznimit, Proton Cable Prizrenit dhe Grapeland Basketball nga Rahoveci./Arbresh.info