Një person ka humbur jetën në vendin e tij të punës në një fabrikë të tullave në Gjakovë, raporton Policia e Kosovës.

Sipas policisë, viktima kishte pësuar lëndime në rrethana të panjohura dhe fillimisht ishte dërguar në Emergjencë në Gjakovë e më pas në QKUK, shkruan Arbresh.info.

Kurse rreth orës 00:20 i njëjti ka ndërruar jetë.

“Gjakovë / 05.07.2025 – 21:55. Viktima m/k në vendin e tij të punës në një fabrikë të tullave në rrethana të panjohura ka pësuar lëndime të rënda. Viktima fillimisht është dërguar për tretman mjekësor në QE-Gjakovë dhe pastaj në QKUK, mirëpo dyshohet për shkak të lëndimeve të rënda, rreth orës 00:20′ të datës 06.07.2025 ka ndërruar jetë. Me vendim të prokurorit trupi i pajetë i viktimës është dërguar në IML për obduksion, ndërsa njësitet policore janë duke hetuar rastin”, thuhet në raportin 24 orësh të Policisë së Kosovës./Arbresh.info