Federata e Futbollit të Portugalisë: Ne humbëm dy kampionë, vdekja e Jotas dhe e vëllait tij humbje e pariparueshme për futbollin portugez

11:05 | 3 Korrik 2025
D.H

Futbollisti i Liverpoolit dhe i kombëtares së Portugalisë, Diogo Jota ka ndërruar jetë në një aksident trafiku.

Ai ishte në veturë së bashku me vëllain e tij, Andre Silva, i cili po ashtu ka ndërruar jetë, pasi vetura mori flakë, shkruan Arbresh.info.

Lajmin për vdekjen e dy futbollsitëve portugezë e ka konfirmuar edhe Federata së Futbollit të Portugalisë përmes një postimi në X.

“Federata Portugeze e Futbollit dhe i gjithë futbolli portugez janë plotësisht të shkatërruar nga vdekja e Diogo Jota dhe vëllait të tij André Silva, këtë mëngjes, në Spanjë”.

“Shumë më tepër sesa një lojtar fantastik, me pothuajse 50 ndeshje për Ekipin Kombëtar A, Diogo Jota ishte një person i jashtëzakonshëm, i respektuar nga të gjithë shokët e ekipit dhe kundërshtarët, dikush me një gëzim ngjitës dhe një referencë në vetë komunitetin”.

“Në emrin tim dhe në emër të Federatës Portugeze të Futbollit, shpreh ngushëllimet e mia më të thella familjes dhe miqve të Diogos dhe André Silvas, si dhe Liverpool FC dhe FC Penafiel, klubet ku lojtarët luajtën përkatësisht”.

“Federata Portugeze e Futbollit i ka kërkuar tashmë UEFA-s një minutë heshtje këtë të enjte, përpara ndeshjes së ekipit tonë kombëtar kundër Spanjës në Kampionatin Evropian të Femrave”.

“Ne humbëm dy kampionë. Vdekja e Diogos dhe André Silvas përfaqëson humbje të pariparueshme për futbollin portugez dhe ne do të bëjmë gjithçka që mundemi për të nderuar trashëgiminë e tyre çdo ditë”, shkruhet në postimin e Proencas”, thuhet në postimin e tij.

Jota ndërroi jetë në moshën 28-vjeçare, kurse vëllai i tij ishte 25-vjeçar./Arbresh.info

Shpërndaje në rrjete sociale