Shkolla reagon pas vdekjes së 15-vjeçarit në Bërnicë: Nxënës i shkëlqyer dhe djalë i edukuar

08:20 | 23 Maj 2025
E.K

Erion Bytyqi, nxënës i klasës së nëntë, humbi jetën dje pas një vetaksidenti me biçikletë në rrugën për në fshatin Bërnicë.

Shkolla ku mësonte 15-vjeçari ka reaguar me dhimbje dhe pikëllim të thellë për humbjen e tij, duke e përshkruar Erionin si një shembull të shkëlqyer dhe një djalë të edukuar.

“Me dhimbje e pikëllim të thellë ju njoftojmë se, si pasojë e një vetaksidenti me biçikletë, ka ndërruar jetë nxënësi ynë Erion Bytyqi. Në prag të përfundimit të vitit shkollor, kjo tragjedi ka tronditur mësuesit, shokët, shoqet dhe gjithë stafin e shkollës. Shembulli i Erionit si nxënës i shkëlqyer dhe djalë i edukuar le të mbetet udhërrëfyes për bashkëmoshatarët e tij. Jemi me ju në çdo çast, në çdo lutje, dhimbje e lot për Erionin”, thuhet në reagimin e shkollës./Arbresh.info