Kryetari i Partisë Demokratike të Kosovës (PDK), Memli Krasniqi, ka nderuar heroin Bekim Berisha në përvjetorin e 25-të të rënies së tij.

Krasniqi e ka vlerësuar Berishën si një nga shqiptarët e shquar që nuk e humbi asnjë mundësi për të luftuar kundër regjimit gjenocidal serb. Sipas Krasniqit, në Kroaci, Bosnje e Kosovë, Berisha kishte vetëm një emër dhe një titull: “Hero”.

“Ata që e kanë njohur dhe kanë luftuar krah tij – kanë thënë se vlen sa 1 mijë ushtarë. Ndërkaq, për armikun, ai ishte vetë makthi.
Bekim Berisha – Abeja, është një nga shqiptarët e rrallë që nuk humbi asnjë mundësi për të luftuar kundër regjimit gjenocidal serb. Në Kroaci, Bosnje e Kosovë – ai ka vetëm një emër dhe një epitet: Hero! 26 vite më parë, në betejën e tij t’fundit, atë të Junikut, Abeja i dha Atdheut edhe të vetmen gjë që i kishte mbetur: Jetën e tij! Me bashkëluftëtarët Bedri Shala, Elton Zherka dhe Përmet Vula – ata u përjetësuan në altarin e shenjtë të lirisë. Dritë e pashuar mbi qiellin e lirë t’Kosovës’, shkroi Krasniqi./Arbresh.info