Ministri i Kulturës, Rinisë dhe Sportit, Hajrulla Çeku është takuar me sportistët që përfaqësuar Kosovës në Lojërat Olimpike në Paris.

Në takim, ai i ka përgëzuar për arritjet, shkruan Arbresh.info.

“Emocion, nder dhe krenari. Kampionët olimpikë u kthyen në shtëpi! Kënaqësi e madhe t’i mirëpresim olimpistët tanë të jashtëzakonshëm që na përfaqësuan në Lojërat Olimpike në Paris 2024. Në takimin e këndshëm me ta, i përgëzova për arritjet e shkëlqyera.”, ka shkruar ai.

Ai tha se qytetarët tanë sonte në Prishtinë, me pritjen e tyre ua bënë të qartë sa krenarë jemi e gjithë Kosova me secilin!

Çeku ka falënderuar sportistët dhe trajnerët për emocionet.

“I falënderoj nga zemra sportistët e trajnerët për vendosmërinë dhe për emocionet që na i përcjollën gjatë këtyre ditëve, e gjithashtu edhe qytetarët që iu bashkuan kësaj ceremonie të veçantë. Së bashku vazhdojmë të festojmë sukseset që sportistët pandërprerë po i sjellin vendit tonë.”, u shpreh ai./Arbresh.info/