Alejandro Balde, mbrojtës i majtë i Barcelonës dhe kombëtares spanjolle, iu nënshtrua një operacioni për një lëndim që pësoi në kofshën e djathtë.

Balde u lëndua të mërkurën e kaluar, në çerekfinalen e Kupës së Mbretit, kundër Athletic Bilbaos, shkruan Arbresh.info.

20-vjeçari është operuar në Turku të Finlandës, nën mbikëqyrjen e stafit mjekësor të Barçës.

Pas këtij operimi ai mund të mungoj rreth katër muaj dhe është në rrezik të humbasë Evropianin “Gjermania 2024”.

Ekzaminimet mjekësore të kryera zbuluan se mbrojtësi i krahut pësoi një lëndim në tendinën e kofshës së djathtë, që kërkonte trajtim kirurgjik dhe iu dorëzua një specialisti që ka operuar lojtarë të tjerë të Barcelonës si Ousmane Dembélé, Ronald Araujo dhe Sérgio Roberto.

Këtë sezon, Balde luajti gjithsej 28 ndeshje, shënoi një gol dhe dha një asistim./Arbresh.info/