Policia Rajonale e Ferizajt gjatë patrullimit në rrugën “Ramadan Rexhepi”, kanë ndaluar një 19-vjeçar, tek i cili është gjetur një paketim letre me substancë narkotike të marihuanës.

Në njoftim thuhet se është bastisur shtëpia e të dyshuarit, ku është gjetur dhe sekuestruar një armë zjarri dhe dy fishek, ndërsa në oborr janë gjetur edhe dy qese me substanca narkotike, dy mulli për bluarje dhe një pako letra për mbështjellje të marihuanës, përcjell Arbresh.info.

“I dyshuari është shoqëruar në stacionin e policisë në Ferizaj dhe janë njoftuar njësia për hetimin e narkotikëve, ndërsa pas intervistimit nga policët hetues, me vendim të prokurorit kujdestar është bastisur shtëpia e tij, ku është gjetur një armë zjarri ( pistoletë) me 11 fishekë, ndërsa në oborr janë gjetur edhe dy qese të substancës narkotike me marihuanë, me peshë gjithsej 20.80 gram, dy mulli për bluarje dhe një pako letra për mbështjellje të marihuanës”, thuhet në njoftim.

Me vendim të prokurorit i dyshuari është dërguar në mbajtje për 48 orë për procedura tjera hetimore./Arbresh.info