Policia e Kosovës ka bërë të ditur se i dyshuari, Aaron Rexhaj për aksidentin e shkaktuar me fatatlitet në Pejë është vetëdorëzuar.

Sipas policisë, i dyhsuari është dorëzuar sot, shkruan Arbresh.info.

“ Me datë 27. 11. 2023  rreth orës 15:30 i dyshuari i aksidentit të shkaktuar me fatalitet me datës 26. 11. 2023   në rrugën  “Bill Klinton” në Pejë,  së bashku me avokatin mbrojtës është vet dorëzuar në njësitin e Rajonal të Komunikacionit Rrugor në Pejë.”, njofton policia.

Pas intervistimit nga hetuesit e aksidenteve me urdhër të prokurorit të shtetit është dërguar në mbajtje për 48 orë.

Ndryshe, policia ditën e djeshme kishte shpallur në kërkim të dyshuarin duke kërkuar edhe ndihmën e qytetarëve për kapjen e tij

Sipas njoftimit,  i dyshuari Aaron Rexhaj u lind në Paderborn të Gjermanisë, ndërsa tani është me vendbanim në rrugën “Bekim Berisha” në Pejë, shkruan Arbresh.info.

“Kinezi”, siç njihet me nofkën e tij, ishte i njohur për organet e ndjekjes. Edhe në vitin 2021 Aaron Rexhaj ishte shpallur në kërkim nga Policia e Kosovës.

Ai kërkohej për veprën penale “blerje, posedim, shpërndarje dhe shitje të paautorizuar të narkotikëve, substancave psikotrope ose analoge”. /Arbresh.info/

LEXO EDHE:

Policia kërkon ndihmën e qytetarëve për kapjen të dyshuarit për shkaktimin e aksidentit me fatalitet në Pejë