Ministrja e Drejtësisë, Albulena Haxhiu ka reaguar përsëri lidhur me rastin e arrestimit të Besnik Mujecit, tashmë ish-asamblisit i Lëvizjes Vetëvendosje, duke thënë se për këtë rast si dhe për të tjerat do të bashkëpunojnë dhe do t’i adresojmë të gjitha kërkesat e institucioneve të drejtësisë.

Përmes një postimi në Facebook, Haxhiu ka thënë se luftimi i krimit transnacional ka qenë prioritet i Qeverisë së Kosovës dhe siç tha ajo, janë sjellur para drejtësisë shumë trafikatë përmes bashkëpunimit juridik, shrkuan Arbresh.info.

“Qeveria e Republikës së Kosovës që nga fillimi i mandatit e ka pasur prioritet luftimin e krimit transnacional dhe në këtë drejtim deri tani përmes bashkëpunimit juridik, shumë trafikant i kemi sjellur para drejtësisë.”, ka shkruar Haxhiu.

“Për personat e arrestuar në Shqipëri dhe për secilin rast tjetër, do të bashkëpunojmë dhe do t’i adresojmë të gjitha kërkesat e institucioneve të drejtësisë.”, tha ajo./Arbresh.info.