Ad Banner
Ad Banner
Ad Banner
Ad Banner

Të enjten betohen kryetarët e Zubin Potokut e Zveçanit

15:39 | 23 Maj 2023
A Z

Të enjten e 25 majit pritet ta kryejnë betimin Ilir Peci si kryetar i ri i Zveçanit dhe Izmir Zeqiri si kryetari i ri i Zubin Potokut.

Këtë e ka konfirmuar për “Arbresh.info”, zyrtari i PDK-së, Betim Gjoshi.

Gjoshi tha se Peci e Zeqiri, procedurën e betimit do ta kryejnë në orën 10:00 në objekte publike.

“Janë dërguar ftesat për datën 26 maj, njëra në orën 10:00 tjetra në orën 13:00, por me kërkesë të ministrive dy asamblistët më të vjetër në këto komuna i kanë ndërruar datat dhe vendet, për arsyet që ua ka kërkuar ministria, dhe këto janë vendosur të mbahen me datën 25 maj në ora 10:00 në objekte publike”, tha ai.

Ndërkaq, të premten e javës së kaluar, Erden Atiq është betuar si kryetar i Mitrovicës së Veriut.

Ndryshe, Peci e Zeqiri janë kandidatët e PDK-së që kanë fituar më së shumti vota në Zveçan e Zubin Potok në zgjedhjet e 23 prillit./Arbresh.info/

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm